
Өмнөговь аймаг дахь “Гурван сайхан” Нисэх буудлын хөөрч буух зурвас эвдэрч гэмтсэн талаарх мэдээлэл цахим орчинд цацагдсан. Улмаар 55 хоногт 16 тэрбумаар хийсэн нисэх зурвас нь халуунд хайлсан, онгоц буух боломжгүй боллоо гэх мэт шүүмжлэл тархсан. Тэгвэл Зам тээврийн яамнаас мэдэгдэл гаргажээ. Мэдэгдэлд “Олон нийтэд эх сурвалжгүй худал мэдээлэл түгээх нь ард иргэдэд буруу ойлголт төрүүлэхээс гадна Зөрчлийн тухай хууль, Иргэний нисэхийн тухай хууль, ИКАО-н баталсан pans-aim зохицуулагдана гэдгийг анхаарна уу:
Өнөөдрийн байдлаар (2025.07.07) ИНҮТ ТӨХХК-ийн Өмнөговь аймаг дахь “Гурван сайхан” Нисэх буудлын хөөрч буух зурвас эвдрэл гэмтэлгүй хэвийн байна. “МИАТ ТӨХК-ийн Улаанбаатар-Даланзадгад, Даланзадгад-Улаанбаатар чиглэлд CRJ-700 маркын агаарын хөлөг, “Геосан” ХХК, “Тэнгэрийн улаач” ХХК, зэрэг агаарын тээвэрлэгч нарын С208 агаарын хөлгөөр захиалгат болон төлөвлөгөөт нислэгүүд үйлдсэн.
Нислэгийн цаг төлөвлөлт оны эхэнд урьдчилсан байдлаар төлөвлөгдөн батлагдаж, тус нисэх буудлын зурвас засварын ажлыг энэ онд хийхээр төлөвлөсөнтэй холбоотой “МИАТ” ТӨХК-ийн нислэгийн цагийг нэмэлт байдлаар шөнийн цагаар төлөвлөсөн тухай тайлбар өгсөн” хэмээжээ.
0 cэтгэгдэлтэй